خاور مانیکا عدالت وچ رُو پئے

لاہور(پاکستان پوائنٹ نیوز03۔ستمبر۔2018ء) سپریم کورٹ وچ ڈی پی او پاکپتن دے تبادلے دی آپ نوٹس کیس دی سنوائی ہوئی۔ سنوائی دوران چیف جسٹس نے خاور مانیکا توں پُچھیا کہ خاور مانیکا صاحب تُسیں حیات او احسن گجر تہاڈے بالاں دے کسٹِڈین کیویں نیں؟خاور مانیکا نے جواب تا کہ احسن گجر خاندان دا ساڈے نال 1970توں روحانی تعلق اے۔ خاور مانیکا نے ہور دسیا کہ میری دھی نال پولیس اہلکاراں نے بدتمیزی کیتی اوہ کنب رہی سی۔

میری دھی نے مینوں آکھیا کہ پولیس اہلکاراں نے شراب پیتی ہوئی سی۔ خاور مانیکا نے ایس گل دا وی اعتراف کیتا کہ میں پولیس نوں جھڑکیا تے اوہناں نے میرے کولوں معافی منگی۔ عدالتی کمرے وچ خاور مانیکا رُو پئے۔ اوہناں نے چیف جسٹس نوں آکھیا کہ میری دھی نوں سد کے پُچھو لوو۔ چیف جسٹس نے آکھیا کہ اسیں وی بالڑی دے ماں پیو آں۔ اوہناں نے آکھیا کہ بالڑی نال جس وی پولیس اہلکار نے بدتمیزی کیتی اوہدے خلاف ایکشن ہوئے گا۔

اوہناں نے آکھیا کہ میری سمجھ توں باہر اے کہ وزیر اعلا پنجاب نے کیوں مداخلت کیتی۔ جدکہ خاور مانیکا نے ناکے اُتے روکے جان دے واقعے بارے دسدے ہوئے آکھیا کہ پولیس نے روکیا تے پہلا جملا بولیا کہ باہر آؤ۔ پولیس نوں کیویں پتا چلیا کہ میں بیٹھا ہویا واں؟ایس توں وکھ عدالت دے باہر میڈیا نال گل بات کردے ہوئے خاور مانیکا دا کہنا سی کہ چیف جسٹس نے والد وانگ سلوک کیتا۔ پرچاکار نے پُچھیا کہ تہاڈے اُتے الزام اے کہ تُسیں پولیس ناکا توڑیا؟خاور مانیکا نے جواب وچ آکھیا کوئی ناکا نہیں توڑیا، اسیں چُپ سی اج پہلی وار گل کیتی ، ساڈی سُنی گئی۔