کراچی(پاکستان پوائنٹ نیوز03۔ستمبر۔2018ء) ہفتے والے دن چیف جسٹس ثاقب نثار نے ضیاء الدین ہسپتال دا دورہ کیتا۔ ہسپتال اپڑن مگروں چیف جسٹس شرجیل میمن دے کمرے وچ گئے، جتھے اوہناں نے دو شراب دیاں بوتلیاں ویکھیاں۔ چیف جسٹس آف پاکستان دی ہدایت اُتے شرجیل میمن دے خون دے نمونے لِتے گئے ۔ جیہدی رپورٹ ہن ساہمنے آ گئی اے۔ میڈیا رپورٹس وچ دسیا گیا اے کہ شرجیل میمن دے خون دے نمونے کراچی دے دو وڈے ہسپتالاں نوں گھلے گئے نیں۔
آغا خان ہسپتال دی لیبارٹری دی تصدیق شدہ رپورٹ ساہمنے آ گئی اے۔ رپورٹ مطابق شرجیل میمن دے خون وچ شراب دا عنصر نہیں پایا گیا۔ رپورٹ وچ پلازمہ الکوحل ناٹ ڈیٹکٹڈ لکھیا گیا اے۔ رپورٹ وچ الکوحل بارے ہور تن ٹیسٹ وی نارمل قرار دتے گئے نیں۔ رپورٹ سندھ حکومت نوں گھل دتی گئی اے۔
