تہاڈا اپنا جہاز اے تُسیں دسو کنا خرچہ آؤندا اے؟پرچا کار داجہانگیر ترین توں سوال

لاہور(پاکستان پوائنٹ نیوز01۔ستمبر۔2018ء) چودھری برادران دے گھر پریس کانفرنس وچ وی ہیلی کاپٹر تے اوہدے کرائے دا ذکر ہویا۔ صدارتی امیدوار عارف علوی نے مسلم لیگ (ق) دے سربراہ چودھری شجاعت حسین و قائمام گورنر چودھری پرویز الہی نال ملاقات مگروں سانجھی پریس کانفرنس کیتی۔ایس موقعے تے اک پرچا کار نے جہانگیر ترین کولوں سوال کیتا کہ 1965دی جنگ وچ ایم ایم عالم تے دوجا ہن تہاڈے جہاز دا چرچہ اے۔ تُسیں دسو ایہدا کرایہ کِنا پیندا اے ۔ جیہدے اُتے جہانگیر ترین نے جواب دیندے ہوئے آکھیاکہ میرا اپنا جہاز اے کدی کرائے اُتے لیا نہیں ایس لئی مینوں ایس بارے پتا نہیں، جیہدے مگروں اوتھے موجود سارے لوک ہسن لگ پئے۔