پاکستان دی جلال آباد وچ قونصل خانہ بند کرن دی تصدیق

اسلام آباد(پاکستان پوائنٹ نیوز01۔ستمبر۔2018ء) افغانستان دی راجدھانی کابل وچ پاکستانی سفارت خانے نے جلال آباد وچ پاکستانی قونصل خانہ بند کرن دی تصدیق کر دتی اے۔ پاکستانی سفارت خانے دے ترجمان نے آکھیا کہ ننگر ہار صوبے دے گورنر دی پاکستانی قونصل خانے دے کماں وچ مداخلت دُکھ دی گل اے۔ سفارت خانے دا موقف اے کہ قونصل خانے دے معاملات وچ مداخلت ویانہ کنونشن دی خلاف ورزی اے۔ ترجمان نے آکھیاکہ افغان حکومت نوں معاملے بارے دس دتا اے کہ گورنر ننگر ہار نوں قونصل خانے دے کماں وچ مداخلت توں ڈکیا جائے تے افغان حکومت قونصل خانے دی سکیورٹی یقینی بنائے۔ ترجمان دا کہنا سی کہ سکیورٹی تسلی بخش نہ ہون تیکر ننگر ہار وچ قونصل خانہ بند رہوے گا۔