پروٹوکول نہ لین دے دعوے دھر ے دے دھرے رہ گئے

وزیر اعظم عمران خان دی لاہور آمد اُتے مال روڈ بند، شہریاں نے تنقید دا نشانہ بنا دتا

پروٹوکول نہ لین دے دعوے دھر ے دے دھرے رہ گئے
وزیر اعظم عمران خان دی لاہور آمد اُتے مال روڈ بند، شہریاں نے تنقید دا نشانہ بنا دتا

لاہور(پاکستان پوائنٹ نیوز01۔ستمبر۔2018ء) وزیر اعظم عمران خان وزارت عظمی دا حلف چُکن مگروں پہلی وار لاہور آئے۔ وزیر اعظم عمران خان دی لاہور آمد دے موقعے تے مال روڈ اُتے روٹ لاکے ٹریفک نوں 15توں 20منٹ لئی بند کر دتا گیا، جیہدے اُتے لوکائی نے عمران خان نوں تنقید دا نشانہ بنایا۔ سوشل میڈیا اُتے اک شہری نے ویڈیو بنا کے اپ لوڈ کیتی تے آکھیا کہ عمران خان تے دعوے کردے سن کہ میں پروٹوکول نہیں لواں گا تے میرے پروٹوکول دی وجہ توں لوکائی نوں تکلیف نہیں ہوئے گی پر عمران خان دی لاہور آمد اُتے ٹریفک نوں بند کر کے شہریاں نوں اوکڑاں وچ پایا گیا۔

شہراں دا کہنا سی کہ عمران خان نے آکھیا سی کہ میں پروٹوکول نہیں لواں پر پروٹوکول دے ناں اُتے کینال روڈ ای بند کر دتی گئی اے۔ ویڈیووچ ٹریفک وارڈن نے آکھیا کہ سانوں ایس پی صاحب نے سڑک بند کرن دا حکم دتا ایس لئی اسیں سڑک بند کر دتی۔