اسلام آباد(پاکستان پوائنٹ نیوز31۔اگست۔2018ء) لوکائی لئی نویں پاکستان دا پہلا وڈا تحفہ، پٹرولیم وستاں دیاں قیمتاں وچ کمی کر دتی گئی، وفاقی وزات خزانہ نے اوگرا دی سمری منظور کردے ہوئے پٹرول دی قیمت وچ 2رُپئے 41پیسے جدکہ ہائی سپیڈ ڈیزل دی قیمت وچ 6رُپئے 37پیسے کمی کر دتی۔ تفصیل مطابق وفاقی حکومت نے اوگرا دی سمری منظوری کردے ہوئے پٹرولیم وستاں دیاں قیمتاں وچ کمی کرن دا اعلان کر دتا اے۔
پٹرولیم وستاں دیاں قیمتاں وچ کمی اج رات 12وجے توں ہو جائے گی۔ وفاقی حکومت نے پٹرول دی قیمت وچ 2رُپئے 41پیسے، ہائی سپیڈ ڈیزل دی قیمت وچ 6رُپئے 37پیسے تے مٹی دے تیل دی قیمت وچ 48پیسے کمی دا اعلان کیتا اے۔ لائٹ ڈیزل دی قیمت وچ 59پیسے وادھا کیتا گیا اے۔پٹرولیم وستاں دیاں قیمتاں وچ تبدیلی مگروں مٹی دے تیل دی قیمت 83رُپئے50پیسے، لائٹ ڈیزل دی نویں قیمت75رُپئے96پیسے، ہائی سپیڈ ڈیزل دی قیمت گھٹ ہو کے 106رُپئے 57پیسے جدکہ پٹرول دی نویں قیمت گھٹ ہو کے 92رُپئے 83پیسے ہو گئی اے۔
