لاہور(پاکستان پوائنٹ نیوز31۔اگست۔2018ء) نواز شریف، مریم نواز تے کیپٹن (ر) صفدر دیاں سزاواں خلاف فیصلا آگیا۔ میڈیا رپورٹس مطابق جسٹس شاہد وحید دی سربراہی وچ جسٹس عاطر محمود تے جسٹس شاہد جمیل اُتے مشتمل تن رکنی بنچ نے کیس دی سنوائی کیتی۔ درخاست گزار دا کہنا سی کہ نیب قانون دا آرڈیننس سابق صدر پرویز مشرف نے جاری کیتا پر 18ویں ترمیم مگروں ختم ہو گیا اے، تن وار وزیر اعظم رہن والے بندے نوں ایس قانون دے تحت سزا دتی گئی جو ختم ہو گیا اے۔
درخاست وچ ایہ وی موقف اختیار کیتا گیا کہ تِناں نوں مردہ قانون دے تحت سزا دتی گئی۔ ایس لئی عدالت نیب دے مردہ قانون دے تحت دتی گئی سزا نوں ختم کرے۔ لاہور ہائی کورٹ نے نواز شریف، مریم نواز تے کیپٹن (ر) صفدر دیاں سزاواں خلاف دائر درخاست رد کردے ہوئے سزاواں دا فیصلا برقرار رکھیا۔ لاہور ہائی کورٹ نے نواز شریف، مریم نواز تے کیپٹن (ر) صفدر دیاں سزاواں خلاف فیصلے نوں درست قرار دیندے ہوئے آکھیا کہ نیب دا قانون 18ویں ترمیم دے بعد وی قائم رہوے گا۔یاد رہوے کہ درخاست گزار دا کہنا سی کہ 18ویں ترمیم مگروں نیب دا قانون غیر موثر ہو گیا اے۔
