اسلام آباد(پاکستان پوائنٹ نیوز30۔اگست۔2018ء) چیف جسٹس سپریم کورٹ جسٹس میاں ثاقب نثار نے ڈی پی او پاکپتن دے تبادلے دا آپ نوٹس لے لیا اے،آپ نوٹس کیس دی سنوائی کل سویرے ہوئے گی۔ میڈیا رپورٹس مطابق چیف جسٹس سپریم کورٹ جسٹس میاں ثاقب نثار نے ڈی پی او پاکپتن دے تبادلے دا آپ نوٹس لیا اے۔ چیف جسٹس دی سربراہی وچ تن رکنی بنچ کل آپ نوٹس کیس دی سنوائی کرے گا۔
چیف جسٹس سپریم کورٹ نے آئی جی پنجاب، آر پی او تے ڈی پی او رضوان گوندل نوں ذاتی حیثیت وچ سدیا اے۔ ایس توں وکھ انکوائری افسر نوں وی واقعے دی انکوائری رپورٹ سنے کل سدیا گیا اے۔ چیتے رہوے کہ میڈیا رپورٹس وچ دسیا گیا سی کہ خاتون اول بشری بی بی دے سابق شوہر خاور مانیکا دا حکم نہ منن والے ڈی پی او نوں معطل کر دتا گیا سی۔ پولیس وسیلیاں مطابق پولیس نے 23اگست نوں خاور مانیکا نوں ناکے اُتے روکیا پر اوہ نہ رُکے۔خاور مانیکا ولوں ایس موقعے تے گندی زبان ورتی گئی۔وسیلیاں مطابق ڈ ی پی او رضوان نوں خاور مانیکا دے ڈیرے اُتے جا کے معافی منگن دا حکم دتا گیا۔ ڈی پی او رضوان نے ایہ آکھ کے معافی منگن توں انکار کر دتا کہ پولیس دا کوئی قصور نہیں ۔
