این ایچ اے نے ٹول ٹیکس وچ وادھا کر دتا

لاہور(پاکستان پوائنٹ نیوز30۔اگست۔2018ء) نیشنل ہائی ویز اتھارٹی نے موٹر وے اُتے ٹول ٹیکس وچ 10فیصد وادھا کر دتا، نیشنل ہائی ویز اتھارٹی ولوں جاری کیتے گئے ٹول ٹیکس دے نویں ریٹ مطابق لاہوروں اسلام آباد تیکر گڈی دا ٹول ٹیکس 620توں 680رُپئے ہو گیا۔دوجے پاسے ویگناں دا ٹول ٹیکس 10فیصد وادھے نال 1140رُپئے تے کوسٹر بساں کولوں 1600رُپئے تیکر ٹول ٹیکس لتا جائے گا۔ لاہوروں اسلام آباد ٹرک 2680جدکہ وڈے ٹرالے 3830رُپئے ٹول ٹیکس دین گے۔ نیشنل ہائی ویز اتھارٹی دا کہنا اے کہ موٹروے اُتے گڈیاں کولوں اک رُپیہ 90پیسے فی کلو میٹر دے حساب نال ٹیکس وصول کیتا جا رہیا اے۔