لاہور(پاکستان پوائنٹ نیوز30۔اگست۔2018ء) عمران خان نوں وزارت عظمی دے عہدے توں ہٹان لئی آئینی درخاست دائر کر دتی گئی اے۔ میڈیا رپورٹس مطابق عمران خان نوں وزیر اعظم دے عہدے توں ہٹان لئی آئینی درخاست مشہور قانون دان اے کے ڈوگر ولوں دائر کیتی گئی۔ درخاست گزار نے موقف اختیار کیتا کہ وزیر اعظم دے چناؤ لئی ملک دیاں 2 وڈیاں سیاسی جماعتاں پاکستان پیپلز پارٹی تے جماعت اسلامی نے ووٹ نہیں دتا تے قانون مطابق وزیر اعظم دے چناؤ لئی پارلیمنٹ دے ہر ممبر دا ووٹ کاسٹ کرنا ضروری اے۔
پیپلز پارٹی تے جماعت اسلامی ایوان وچ موجود نیں پر ووٹ کاسٹ نہیں کیتا۔ درخاست گزار نے ہور آکھیا اے کہ دو وڈیاں سیاسی جماعتاں دے 69ووٹاں دے بغیر وزیر اعظم چُنے گئے جو قانون دے منافی اے۔ایس لئی عدالت عمران خان نوں وزیراعظم چُنن دا اقدام غیر قانونی قرار دیوے تے عمران خان نوں وزارت عظمی دے عہدے توں ہٹائے۔
