نویں حکومت وچ خاتون اول دے نال ’شوہر اول‘ نوں وی پروٹوکول دینا پئے گا

لاہور(پاکستان پوائنٹ نیوز30۔اگست۔2018ء) پچھلے کُجھ دناں توں وزیر اعظم عمران خان دی بیوی بشری بی بی دے سابق شوہر خاور مانیکا تے سابق ڈی پی او رضوان گوندل دا معاملا بحث ہیٹھ اے جیہنوں لے کے تحریک انصاف دی حکومت تے عمران خان نوں تنقید دا نشانہ بنایا جا رہیا اے۔ ایس حوالے نال اک پروگرام دوران سلیم صافی کولوں سوال کیتا گیا کہ کیہ ٹاسک فورس 90دناں اندر روڈ میپ تیار لووے گی؟جواب وچ سلیم صافی نے آکھیا کہ پی ٹی آئی اجے پارٹی نہیں بنی ایہ نویں مسلم لیگ (ق) اے۔ اوہدی کارکردگی نوں جانچن لئی مسلم لیگ (ق) دی حکومت نوں نظر وچ رکھنا پئے گا۔اوہناں دا کہنا سی کہ پچھلی حکومت وچ صرف خاتون اول نوں پروٹوکول دینا پیندا سی پر ایس حکومت وچ شوہر اول نوں وی پروٹوکول دینا پئے گا۔