لاہور(پاکستان پوائنٹ نیوز30۔اگست۔2018ء) پاکستان مسلم لیگ (ن) دے رہنما و سابق وفاقی وزیر عابد شیر علی دا میڈیا نال گل بات کردے ہوئے کہناسی کہ پورا ملک اوس ہیلی کاپٹر دی اُڈیک وچ اے جو 55رُپئے وچ اوہناں نوں سفر کروائے۔ اوہناں نے ملک وچ جاری لوڈ شیڈنگ بارے گل بات کردے ہوئے آکھیا کہ ملک وچ بجلی دا کوئی شارٹ فال نہیں، مسلم لیگ (ن) نے زیرو لوڈشیڈنگ رکھی تے ساڈی حکومت نے 5سال وچ ریکارڈ 12ہزار میگا واٹ بجلی پیدا کیتی۔
اوہناں نے حکومت اُتے تنقید کردے ہوئے آکھیا کہ ایہ کیہ تبدیلی اے کہ 8توں 10گھنٹے لوڈشیڈنگ ہو رہی اے۔ قوم اک اک دن دا حساب لوے گی۔ ملک دشمن حکومت نے آؤندے ای پٹرول تے بجلی دے نال نال ایل پی جی دا سلنڈر مہنگا کر دتا۔ عابد شیر علی نے این اے 124توں الیکشن وچ حصہ لین لئی کاغذات نامزدگی وی جمع کروائے۔
