سونے دی قیمت وچ 2ہزار رُپئے فی تولا وادھا

اسلام آباد(پاکستان پوائنٹ نیوز29۔اگست۔2018ء) سونے دی قیمت وچ 2ہزار رُپئے فی تولا وادھا ساہمنے آیا اے۔ ملک دیاں صرافہ مارکیٹاں وچ سونے دی قیمت وچ فی تولا 2ہزار رُپئے وادھا ہو گیا اے۔ مقامی صرافہ مارکیٹاں وچ سونے دی اک تولا قیمت وچ 2000تے دس گرام سونے دی قیمت وچ اک ہزار 715رُپئے دا وادھا ہویا اے۔ سونے دیاں قیمتاں وچ وادھے پاروں کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور تے کوئٹہ دیاں صرافہ مارکیٹاں وچ سونے دی قیمت ودھ کے 58300رُپئے تے دس گرام سونے دی قیمت ودھ کے 49983رُپئے ہو گئی اے۔