اسلام آباد(پاکستان پوائنٹ نیوز29۔اگست۔2018ء) سٹیٹ بنک نے وی نویں کرنسی نوٹ جاری کرن دیاں افواہواں رد کر دتیاں۔ تفصیل مطابق سوشل میڈیا اُتے پچھلے کئی دناں توں کرنسی نوٹاں دیاں کُجھ تصویراں گھم رہیاں نیں۔ ایہناں نوٹاں وچ پاکستانی ثقافت نوں پروموٹ کیتا گیا اے پر ایہناں کرنسی نوٹاں دا اک منفی پہلو ایہ اے کہ اوہناں اُتے بابائے قوم قائداعظم محمد علی جناح دی تصویر کیتے نہیں اے۔
پر ہن سٹیٹ بنک نے نویں کرنسی نوٹ جاری کرن دیاں افواہواں رد کر دتیاں۔چیتے رہوے کہ ایس توں پہلاں 27اگست نوں پارلیمنٹ ہاؤس دے باہر میڈیا نال گل بات کردے ہوئے وفاقی وزیر خزانہ اسد عمر کولوں پرچا کار نے نویں کرنسی نوٹاں بارے سوال کیتا، جیہدے اُتے اسد عمر نے آکھیا کہ نویں کرنسی نوٹاں بارے جو خبر چل رہی اے اوہ میرے علم وچ نہیں اے۔ کرنسی نوٹاں دی تبدیلی بارے انج دی کوئی خبر میرے تیکر نہیں اپڑی ۔اوہناں دا کہنا سی کہ ایہ جو میں وٹس ایپ گروپاں تے سوشل میڈیا اُتے ویکھنا واں اُنجدا کُجھ وی نہیں اے۔ اسد عمر نے ہور آکھیا کہ جعلی نوٹ جس رنگ وچ وی ملن چنگے لگدے نیں۔
