اسلام آباد(پاکستان پوائنٹ نیوز28۔اگست۔2018ء) وزیر خزانہ اسد عمر نے آکھیا اے کہ آئی ایم ایف بارے امریکی بیان ویلے توں پہلاں (قبل از وقت)تے سچ دے اُلٹ اے، این ایف سی دا مسئلا حل کراں گے۔ منگل نوں ایوان بالا وچ گل بات کردے ہوئے وزیر خزانہ اسد عمر نے آکھیا کہ آئی ایم ایف پروگرام بارے امریکی حکام ولوں بیان ویلے توں پہلاں سی، اجے آئی ایم ایف وچ جان یاں نہ جان بارے فیصلا نہیں کیتا۔
اوہناں دا کہنا سی کہ جے ایہ فیصلا کراں گے تے ایہ کوئی پہلی وار نہیں ہوئے گا۔ ساڈے کئی قرضے چین دے نہیں نیں ایس لئی امریکی بیان سچ دے اُلٹ اے۔ اوہناں دا کہنا سی کہ این ایف سی بارے شیری رحمان نے جو آکھیا اے اوہ ٹھیک گل اے۔ دو سال توں ایہ تاخیر دا شکار اے۔ فنانس سیکرٹری نوں ہدایت کر دتی اے کہ چھیتی توں چھیتی این ایف سی دے معاملے اُتے کم کیتا جائے۔ اسیں ایوان نوں اعتماد وچ لے کے فیصلے کراں گے، پارلیمان نال صلاح کراں گے تے رہنمائی وی لواں گے۔
