اسلام آباد(پاکستان پوائنٹ نیوز28۔اگست۔2018ء) سابق وزیر اعظم نواز شریف نے آکھیا اے کہ پیپلز پارٹی دے موجودہ رویے اُتے کُجھ کہنا نہیں چاہندا۔ منگل نوں سابق وزیر اعظم نواز شریف نوں نیب ریفرنسز دی سنوائی لئی اڈیالا جیل توں 5ویں وار اُچیچا اسلام آباد دی احتساب عدالت لیاندا گیا۔ ایس موقعے تے پرچا کاراں نال غیر رسمی گل بات کردے ہوئے نواز شریف نے اپنے نال جُڑے بیان نوں رد کرد ے ہوئے آکھیا کہ میں پیپلز پارٹی تے پی ٹی آئی بارے کوئی گل نہیں کیتی پر اج دے اخبار وچ میرے ناں نال بیان لا دتا گیا اے۔
نجی ٹی وی مطابق عدالتوں واپسی اُتے نواز شریف کولوں پرچا کار نے سوال کیتا کہ پیپلز پارٹی دے موجودہ رویے اُتے کیہ آکھو گے؟ جیہدے جواب وچ نواز شریف دا کہنا سی کہ میں ایس بارے کوئی گل نہیں کرنا چاہندا۔
