لاہور(پاکستان پوائنٹ نیوز27۔اگست۔2018ء) صوبائی وزیر صحت ڈاکٹر یاسمین راشد نے پنجاب لئی وڈے منصوبے دا اعلان کر دتا، وزیر صحت پنجاب نے اعلان کیتا اے کہ وزیر اعظم عمران خان دے ویژن اُتے عملدرآمد کردے ہوئے صوبے دی لوکائی نوں بہترین صحت دیاں سہولتاں دتیاں جان گیاں، خیبرپختونخوا وانگ پنجاب بھر لئی ہیلتھ کارڈ جاری کیتے جان گے۔تحریک انصاف دی رکن صوبائی اسمبلی ڈاکٹر یاسمین راشد نے آکھیا اے صوابدیدی فنڈ ختم، وزیراں دے باہرلے ملک علاج تے ساریاں اہم سرکاری شخصیتاں لئی فرسٹ کلاس وچ فضائی سفر اُتے پابندی چنگی گل اے۔
اوہناں دا کہنا سی کہ نواز شریف نے صوابدیدی فنڈ دے ارباں رُپئے اپنے حواریاں تے درباریاں وچ ونڈے۔ اپنے اک بیان وچ اوہناں نے آکھیا کہ وزیر اعظم عمران خان قوم دیاں اوکڑاں توں پوری طرحاں جانو نیں تے اوہناں اوکڑاں دے پکے حل لئی کم کیتا جائے گا۔ اوہناں دا کہنا سی کہ پرانیاں حکومتاں نے نوٹ چھاپ کے فراط زر وچ بہت وادھا کیتا۔ اوہناں دا کہنا سی کہ بیڈ گورننس پاروں گردشی قرضیاں وچ خطرناک حد تیکر وادھا ہوگیا اے ۔
وزیر اعظم عمران خان اپنیاں صلاحتاں نال سارے بحراناں اُتے ہولی ہولی قابو پان گے۔ اوہناں نے آکھیا کہ امریکا نوں نواز شریف ورگا تابعدار وزیر اعظم چاہیدا، پی ٹی آئی امریکا نال خارجا پالیسی تبدیل کرے گی ۔ امریکا نوں نو مور آکھن دا ویلا آ گیا اے۔ڈاکٹر یاسمین راشد نے آکھیا اے صوابدیدی فنڈ ختم، وزیراں دے باہرلے ملک علاج تے ساریاں اہم سرکاری شخصیتاں لئی فرسٹ کلاس وچ فضائی سفر اُتے پابندی چنگی گل اے۔
