تبدیلی آگئی!وزیر اعلا خیبرپختونخوا دے جدی علاقے وچ 20,20گھنٹے دی غیر اعلانیہ لوڈشیڈنگ

تبدیلی آگئی!وزیر اعلا خیبرپختونخوا دے جدی علاقے وچ 20,20گھنٹے دی غیر اعلانیہ لوڈشیڈنگ

سوات(پاکستان پوائنٹ نیوز25۔اگست۔2018ء) وزیر اعلاخیبرپختونخوا محمود خان دے جدی علاقے وچ 20,20 گھنٹے دی غیر اعلانیہ لوڈشیڈنگ، لوڈشیڈنگ توں تنگ لوکائی نے مینگورہ تے کلام شہراہ نوں ٹریفک لئی بند کر کے دھرنادے دتا۔ تفصیل مطابق وزیر اعلا کے پی کے محمود خان دے جدی پنڈ مٹہ وچ عید دے پہلے دن توں لے کے ہن تیکر 20،20گھنٹے دی غیر اعلانیہ لوڈشیڈنگ جاری اے۔ لوڈشیڈنگ دی وجہ توں لوکائی نوں اوکڑاں دا ساہمنا اے۔ کئی دناں توں لوک احتجاج کر رہے سن پر متعلقہ حکام ولوں کوئی ایکشن نہیں لتا جا رہیا سی ، جیہدے مگروں علاقہ واسیاں نے تنگ آ کے مینگورہ تے کلام شہراہ نوں ٹریفک لئی بند کر کے دھرنا دے دتا اے۔