اسلام آباد(پاکستان پوائنٹ نیوز25۔اگست۔2018ء) وزیر اعظم عمران خان شبلی فراز اُتے مہربان،شبلی فراز نوں سینیٹ وچ قائد ایوان نامزد کر دتا اے۔ وزیر اعظم عمران خان ولوں سینیٹ وچ قائد ایوان لئی شبلی فراز دی نامزدگی دی درخاست وزارت پارلیمانی امور راہیں چیئرمین سینیٹ صادق سنجرانی نوں گھلی گئی۔سینیٹ سیکرٹریٹ نے وزیراعظم ولوں قائد ایوان دی نامزدگی دا خط ملن دی تصدیق کر دتی اے۔
چیتے رہوے کہ پچھلی حکومت دے دور وچ مسلم لیگ (ن) دے چیئرمین راجا ظفر الحق سینیٹ وچ قائد ایوان سن جو ہن حزب اختلاف دے سربراہ دی حیثیت وچ نیں۔ وزیر اعظم عمران خان ولوں قائد ایوان لئی نامزد سینیٹر شبلی فراز دا تعلق تحریک انصاف توں اے تے اوہ مشہور شاعر احمد فراز مرحوم دے پُتر نیں۔ شبلی فراز مارچ 2015وچ جنرل سیٹ اُتے سینیٹر چُنے گئے سن۔
