راولپنڈی(پاکستان پوائنٹ نیوز21۔اگست۔2018ء) آرمی چیف جنرل قمر جاوید باجوہ نے حج دی سعادت حاصل کر لی۔میڈیا رپورٹس وچ دسیا گیا اے کہ آرمی چیف جنرل قمر جاوید باجوہ نے اپنے گھر والیاں نال حج بیت اللہ دی سعادت حاصل کیتی اے۔ ایس دوران آرمی چیف نے پاکستان وچ امن و استحکام تے شہیداں لئی دعا کیتی۔ ترجمان پاک فوج ڈی جی آئی ایس پی آر میجر جنرل آصف غفور نے اپنے ٹویٹ وچ آکھیا کہ چیف آف آرمی سٹاف جنرل قمر جاوید باجوہ نے دہشت گردی دا شکار بندیاں دے عالمی دیہاڑ دے موقعے اُتے اپنے پیغام وچ آکھیا اے کہ پاکستانی قوم تے ہتھیار بند فوجاں(مسلح افواج ) بھرپور انداز وچ دہشت گردی دے چیلنج نال لڑ رہیاں نیں۔
آرمی چیف جنرل قمر جاوید باجوہ نے ایس موقعے تے دہشت گردی توں متاثرہ بندیاں نوں خراج تحسین پیش کیتا۔ آرمی چیف نے آکھیاکہ بہادری نال لڑ کے دہشت گردی دا شکار ہون الے بندیاں تے اوہناں دے وارثاں نال آں۔ آرمی چیف نے آکھیا کہ پاکستان دیرپا امن تے سلامتی دے قیام لئی ساریاں طاقتاں دی پوری حمایت کردا اے۔ پاکستان نے اک ہوکے دہشت گردی نوں موثر انداز نال ہرایا۔
جنرل قمر جاوید باجوہ نے آکھیاکہ قوم دے عزم تے حوصلے نال مخالف طاقتاں نوں ہراواں گے۔چیتے رہوے کہ آرمی چیف جنرل قمر جاوید باجوہ نے حج دی سعادت حاصل کر لی۔میڈیا رپورٹس وچ دسیا گیا اے کہ آرمی چیف جنرل قمر جاوید باجوہ نے اپنے گھر والیاں نال حج بیت اللہ دی سعادت حاصل کیتی اے۔ ایس دوران آرمی چیف نے پاکستان وچ امن و استحکام تے شہیداں لئی دعا کیتی۔ آرمی چیف جنرل قمر جاوید باجوہ حج کرن لئی مکہ وچ نیں۔
