کوئٹہ(پاکستان پوائنٹ نیوز18۔اگست۔2018ء) بلوچستان عوامی پارٹی دے جام کمال خان وزیر اعلا بلوچستان چُنے گئے نیں۔ میڈیا رپورٹس مطابق بلوچستان عوامی پارٹی دے رکن اسمبلی و وزیر اعلا دے امیدوار جام کمال خان نے 39ووٹ لئے۔تفصیل مطابق بلوچستان اسمبلی دے نویں قائد ایوان دے چناؤ لئی اسمبلی دا اجلاس نویں چُنے گئے سپیکر عبدالقدوس بزنجو دی سربراہی وچ ہویا۔
صوبے وچ وزارت اعلا لئی بلوچستان عوامی پارٹی دے جام کمال تے متحدہ مجلس عمل دے میر یونس عزیز زہری وچکار مقابلا سی۔ جام کمال نوں بلوچستان عوامی پارٹی تے اتحادیاں دی حمایت حاصل سی جدکہ یونس عزیز زہری نوں بی این پی مینگل تے متحدہ مجلس عمل نے نامزد کیتا۔ چیتے رہوے کہ پاکستان تحریک انصاف نے وی بلوچستان وچ وزارت اعلا دے عہدے لئی جام کمال خان دی حمایت دا اعلان کیتا سی۔ میڈیا رپورٹس مطابق بلوچستان عوامی پارٹی دے رکن اسمبلی و وزیر اعلا دے امیدوار جام کمال خان نوں 39ووٹ پئے۔
