نویں چُنے گئے وزیر اعظم عمران خان نے اپنے عہدے دا حلف چُک لیا

اسلام آباد(پاکستان پوائنٹ نیوز18۔اگست۔2018ء) نویں چُنے گئے وزیر اعظم عمران خان نے اپنے عہدے دا حلف چُک لیا۔ صدر مملکت ممنون حسین نے ہفتے نوں ایوان صدر وچ منعقدہ سادہ تے پروقار تقریب وچ عمران خان کولوں اوہناں دے عہدے دا حلف لیا۔ جمعے نوں قومی اسمبلی نے عمران خان نوں پاکستان دا 22واں وزیراعظم چُنیا سی۔ تقریب حلف برداری وچ نگران وزیر اعظم جسٹس (ر) ناصر الملک تے اوہناں دی کابینہ دے وزیراں، نویں چُنے گئے وزیر اعظم دی بیوی، نامزد صوبائی گورنراں، چیئرمین جوائنٹ چیفس آف سٹاف کمیٹی ،پاکستان آرمی، نیوی و ائر فورسز دے سربراہواں، سینیٹ، قومی اسمبلی، صوبائی اسمبلیاں دے ارکان، سابق ارکان پارلیمنٹ، غیر ملکی سفیراں و سفارتکاراں، سول و فوجی حکام، سابق سٹار کرکٹرز، غیر ملکی پروہنیاں تے ہور شعبیاں توں تعلق رکھن والے لوکاں دی وڈی گنتی نے رلت کیتی۔