ڈاکٹر طاہر القادری دی عمران خان نوں وزیراعظم بنن اُتے مبارکباد

ڈاکٹر طاہر القادری دی عمران خان نوں وزیراعظم بنن اُتے مبارکباد

لاہور(پاکستان پوائنٹ نیوز17۔اگست۔2018ء) پاکستان عوامی تحریک انصاف دے سربراہ ڈاکٹر طاہر القادری نے عمران خان نوں وزیراعظم پاکستان چُنے جان اُتے مبارکباد دتی اے۔ ڈاکٹر طاہر القادری دا اپنے ٹویٹر پیغام وچ کہنا سی کہ میں عمران خان نوں پاکستان دا وزیر اعظم چِنے جان اُتے مبارکباد دینا واں۔ مینوں آس اے کہ عمران خان لوکاں دے مسائل حل کرن لئی اپنیاں ساریاں کوششاں کرن گے، اوہناں دیاں آساں اُتے پورا اُترن گے۔

چیتے رہوے کہ عمران خان ملک دے 22ویں وزیر اعظم چُنے گئے۔قومی اسمبلی وچ اج قائد ایوان لئی ووٹنگ ہوئی۔ ووٹنگ دوران عمران خان نوں176تے اوہناں دے مقابلے وچ وزیر اعظم دے امیدوار شہباز شریف نوں 96ووٹ پئے۔ ایس طرحاں عمران خان دے بُہتے ووٹ ہون کارن اوہ ملک دے 22ویں وزیر اعظم چُنے گئے نیں۔دوجے پاسے عمران خان دے وزیر اعظم بنن اُتے پاکستان تحریک انصاف دے سپوٹرز تے ووٹرز بہت خش نیں ۔