پشاور(پاکستان پوائنٹ نیوز17۔اگست۔2018ء) پشاور ہائی کورٹ نے 5ججاں نوں ملازمت توں فارغ کر دتا اے، ایہناں ججاں وچ 3ایڈیشنل ڈسٹرکٹ اینڈ سیشن جج تے 2سول جج شامل نیں، ججاں نوں قاعدے و قانون دی خلا ف ورزی اُتے برطرف کیتا گیا۔ میڈیا رپورٹس مطا بق پشاور ہائی کورٹ نے 5ججاں نوں قاعدے و قانون دی خلاف ورزی اُتے فارغ کر دتا اے۔دوجے پاسے اسلام آباد ہائی کورٹ دے جسٹس شوکت عزیز صدیقی نے سپریم جوڈیشل کونسل دے حکم نوں سپریم کورٹ وچ چیلنج کردتا۔
نجی ٹی وی مطابق سپریم جوڈیشل کونسل وچ جسٹس شوکت عزیزصدیقی خلاف ریفرنس دی کارروائی ستمبر دے شروع وچ فیر ہون دی آس اے پر ایس توں پہلاں ای جسٹس شوکت عزیز نے جوڈیشل کونسل دے حکم نوں سپریم کورٹ وچ چیلنج کر دتا اے۔جسٹس شوکت عزیز صدیقی نے آکھیا کہ مینوں فیئر ٹرائل دا حق دتا جائے تے نال ای استدعا کیتی کہ جدوں تیکر ایس درخاست دی سنوائی اُتے فیصلا نہیں ہوندا اودوں تیکر سپریم جوڈیشل کونسل دی کارروائی روکی جائے۔
