لاہور(پاکستان پوائنٹ نیوز15۔اگست۔2018ء) اڈیالا جیل وچ قید مریم نواز نوں اے دی سہولت دے دتی گئی۔ میڈیا رپورٹس مطابق گرمی دی وجہ توں مریم نواز دی چمبڑی(جلد) خراب ہو رہی سی۔ گرمی تے حبس پاروں مریم نوازدا شوگر لیول وی ودھن لگا سی۔ جیہدے مگروں مریم نواز نوں وی جیل وچ اے سی دی سہولت دے دتی گئی اے۔ جیل وچ قید سابق وزیر اعظم نواز شریف نوں پہلے ای اے سی سہولت دے دتی گئی سی۔
وسیلیاں مطابق مریم نواز ولوں اے سی دین لئی باقاعدہ درخاست نہیں دتی گئی سی پر نگران حکومت نے اپنے طور اُتے ای مریم نواز دی بیرک وچ اے سی لوایا۔ چیتے رہوے کہ ایون فیلڈ ریفرنس کیس وچ مریم نواز، کیپٹن (ر) صفدر تے سابق وزیر اعظم نواز شریف احتساب عدالت ولوں سنائی گئی سزا بُھگت رہے نیں۔ ایس توں پہلاں سابق وزیر اعظم نواز شریف نے وی جیل انتظامیہ توں ائر کنڈیشنر لوان دی درخاست کیتی سی۔ جیہدے مگروں 23جولائی نوں سابق وزیر اعظم نواز شریف نوں اڈیالا جیل وچ نگران وزیر اعلا پنجاب حسن عسکری دی ہدایت اُتے ائر کنڈیشنر دتا گیا۔
