تحریک انصاف نے صدارتی امیدوار لئی ڈاکٹر عارف علوی نوں نامزد کر دتا

اسلام آباد(پاکستان پوائنٹ نیوز15۔اگست۔2018ء) پاکستان تحریک انصاف نے صدارتی امیدوار لئی ڈاکٹر عارف علوی نوں نامزد کر دتا اے۔ میڈیا رپورٹس مطابق پاکستان تحریک انصاف نے اگلے صدر پاکستان لئی ڈاکٹر عارف علوی نوں نامزد کر دتا اے۔ تحریک انصاف دے سربراہ عمران خان نے ڈاکٹر عارف علوی دے ناں دی منظوری وی دے دتی اے۔ چیتے رہوے کہ صدر ممنون حسین دے عہدے دی مدت ستمبر وچ ختم ہو جائے گی۔ ایس توں پہلاں خبر آئی سی کہ تحریک انصاف نے ممنون حسین مگروں کراچی توں ای چُنے جان والے رکن قومی اسمبلی عارف علوی نوں ملک دا صدر بنان لئی غور شروع کر دتا اے۔ پر ہن میڈیا رپورٹس مطابق چیئرمین پی ٹی آئی عمران خان نے ڈاکٹر عارف علوی نوں صدارتی امیدوار نامزد کرن دی منظوری دے دتی اے۔