(ن) لیگ وچ جو فارورڈ بلاک بننے سن اوہ بن گئے ہن سبھ ارکان نظریاتی نیں:احسن اقبال

(ن) لیگ وچ جو فارورڈ بلاک بننے سن اوہ بن گئے ہن سبھ ارکان نظریاتی نیں:احسن اقبال

اسلام آباد(پاکستان پوائنٹ نیوز15۔اگست۔2018ء) مسلم لیگ (ن) دے مرکزی رہنما احسن اقبال نے آکھیا کہ (ن) لیگ وچ جو فارورڈ بلاک بننے سن اوہ بن گئے ہن سبھ ارکان نظریاتی نیں۔ بدھ دے دیہاڑے قومی اسمبلی وچ رلت مگروں پرچا کاراں نال گل بات کردے ہوئے احسن اقبال نے آکھیا کہ (ن) لیگ تے پی پی وچکار فیصلا ہویا اے کہ سپیکر لئی پیپلز پارٹی دا امیدوار ہوئے گاتے اسیں سپیکر لئی خورشید شاہ تے ڈپٹی سپیکر لئی ایم ایم اے نوں ووٹ دیواں گے۔

وزیر اعظم لئی دوویں جماعتاں مسلم لیگ (ن) دے امیدوار شہباز شریف نوں ووٹ دین گیاں ۔ اوہناں نے آکھیا کہ (ن) لیگ وچ فارورڈ بلاک دیاں خبراں وچ کوئی سچائی نہیں ۔ مسلم لیگ (ن) نوں جیہڑے لوکاں نے چھڈنا سی اوہ الیکشن توں پہلے ای چھڈ گئے نیں ہن جو رہ گئے اوہ سارے نظریاتی نیں۔ مسلم لیگ (ن) نال دغا کرن والے الیکشن وچ ہارے تے جو ارکان پی پی چھڈ کے تحریک انصاف وچ گئے اوہناں دا مقدر وی ہار بنی۔