حکومت نے وڈی عید دیاں چھٹیاں دا اعلان کر دتا

اسلام آباد(پاکستان پوائنٹ نیوز15۔اگست۔2018ء) وفاقی حکومت نے وڈی عید دیاں چھٹیاں دا اعلان کر دتا اے۔ میڈیا رپورٹ مطابق وفاقی حکومت نے وڈی عید لئی 3چھٹیاں دا اعلان کیتا۔ وفاقی و سرکاری ملازماں نوں 21اگست توں 23اگست تیکر چھٹیاں ہون گیاں۔ چیتے رہوے کہ پاکستان وچ ذوالحج دا چن 13اگست نوں نظر آیا جیہدے مگروں ہن وڈی عید 22اگست نوں منائی جائے گی۔ذوالحج دا چن ویکھن لئی مرکزی رویت ہلال کمیٹی دا مرکزی اجلاس کراچی وچ ہویاسی۔ اجلاس وچ چیئرمین رویت ہلال کمیٹی مفتی منیب الرحمان نے چن دی رویت دا اعلان کیتا سی۔