اسلام آباد(پاکستان پوائنٹ نیوز15۔اگست۔2018ء) پاکستان تحریک انصاف دے امیدوار اسد قیصر سپیکر قومی اسمبلی چُنے گئے۔ تفصیل مطابق سپیکر قومی اسمبلی لئی پاکستان تحریک انصاف دے امیدوار اسد قیصر کامیاب ہوئے تے اوہناں نے ایس سخت مقابلے وچ اپوزیشن دے امیدوار خورشید شاہ نوں ہرایا۔ ایاز صادق نے آکھیا کہ قومی اسمبلی دے کل 322ارکان نے حلف چُکیا تے 322ارکان اسمبلی نے ای ووٹ پایا۔
322ووٹاں وچوں 8رد ہوئے۔ ایاز صادق نے دسیا کہ پاکستان تحریک انصاف دے امیدوار اسد قیصر نے 178جدکہ اپوزیشن امیدوار سید خورشید شاہ نے 148ووٹ لئے۔ ایاز صادق نے نویں سپیکر قومی اسمبلی دے طور اُتے اسد قیصر دے ناں دا اعلان کیتا۔ سپیکر قومی اسمبلی سردار ایاز صادق نے نویں چُنے جان والے سپیکر اسمبلی کولوں عہدے دا حلف لیا، جیہدے مگروں ڈپٹی سپیکر قومی اسمبلی دے چناؤ لئی ووٹنگ شروع کیتی گئی۔
