عمران خان دے چہرے اُتے بیزاری اے کیونکہ اوہناں نال بیماری اے

اسلام آباد(پاکستان پوائنٹ نیوز14۔اگست۔2018ء) پچھلے دیہاڑے قومی اسمبلی دا اجلاس ہویا ۔ اجلاس وچ نویں ارکان قومی اسمبلی نے حلف چُکیا۔ ایس موقعے تے اوہ سیاسی رہنما جو اک دوجے اُتے تنقید کردے سن پر کل اک دوجے نال ہتھ ملاندے نظر آئے۔ میڈیا رپورٹس وچ دسیا گیا کہ قومی اسمبلی دے اجلاس وچ رلت لئی بلاول بھٹو زرداری تے آصف علی زرداری دی ایوان وچ آمد مگروں کئی ارکان نے اوہناں نال آکے ہتھ ملایا۔

ایس دوران تحریک انصاف دی رکن شیریں مزاری نے عمران خان دی توجہ اوہناں دی موجودگی ول دوائی تے عمران خان اپنی سیٹ توں اُٹھ کے پہلے آصف علی زرداری تے فیر بلاول بھٹو کول گئے تے اوہناں نال ہتھ ملایا۔ ایس موقعے تے اوہناں دی تصویر وی بنائی گئی۔ عمران خان تے آصف علی زرداری دی ہتھ ملان دی تصویر سوشل میڈیا اُتے وائرل ہوئی تے آکھیا گیا کہ عمران خان آصف علی زرداری نوں بیتے ویلے وچ بہت بُرا آکھدے رہے نیں تے ہن اوہناں نال ہتھ ملا لیا ۔

ایس حوالے نال گل بات کردے ہوئے پاکستان تحریک انصاف دے رہنما عامر لیاقت حسین دا کہنا سی کہ آصف علی زرداری نے عمران خان ول ودھایا تے عمران خان نے وی اخلاقیات دا وکھالا کرد ے ہوئے اوہناں نال ہتھ ملایا۔ عامر لیاقت دا ہور کہنا سی کہ تصویر وچ دوواں دے چہریاں دے تاثرات ویکھے جا سکدے نیں۔ تصویر وچ ویکھیا جا سکدا اے کہ عمران خان دے چہرے اُتے بیزاری اے جدکہ اوہناں نال بیمارئ اے۔ عامر لیاقت دا ہور کہنا سی کہ آصف علی زرداری دے چہرے اُتے ہاسا اے تے اوہناں نے دنیا نوں اک پیغام دتا اے کہ میں عمران خان نال ہتھ ملا لیا اے۔ آصف علی زرداری نے عمران خان نال ہتھ ملاکے ایہ وی جان لیا ہوئے گا کہ ایہ ہتھ کِنا بھاری اے جو اوہناں دی کرپشن اُتے پین والا اے۔