اسلام آباد(پاکستان پوائنٹ نیوز14۔اگست۔2018ء) اج پاکستان بھر وچ 71واں آزادی دیہاڑ قومی جوش تے جذبے نال منایا جا رہیا اے۔ ایس موقعے تے سیاسی رہنماواں نے قوم نوں جشن آزادی دی مبارکباد وی دتی اے۔ مائیکرو بلاگنگ ویب سائٹ ٹویٹر اُتے پاکستان دے متوقع وزیر اعظم عمران خان نے وی پاکستان دے 71ویں آزادی دیہاڑ دے موقعے تے اُتے اپنے پیغام وچ آکھیا کہ اج 14اگست 2018اے۔ ایس آزادی دیہاڑ اُتے میرے من وچ آس دا اک عظیم چراغ روشن اے۔ اقربا پروری تے کرپشن پاروں ملکی معیشت نوں خطرناک بحران دا ساہمنا ضرور اے پر مینوں یقین اے کہ جے اسیں اتحاد دا دامن تھامے رکھیا تے اپنی منزل پا لواں گے تے پاکستان قائد و اقبال دے خاباں دی تعبیر بنے گا۔
اک ہور پیغام وچ اوہناں نے 1932نوں لندن وچ ہون والی گول میز کانفرنس دی تصویر شیئر کیتی تے لکھیا کہ لندن وچ 1932نوں ہون والی گول میز کانفرنس دی تاریخی تصویر قائد اعظم و علامہ اقبال نال میرے خالو ڈاکٹر جہانگیر خان تے میری ماں دے چاچا جی زمان خان(جیہناں دے ناں توں زمان پارک اے) وی ویکھے جا سکدے نیں۔
