اسلام آباد( پاکستان پوائنٹ نیوز13۔اگست۔2018ء ) تحریک انصاف نے عارف علوی نوں صدر مملکت دا عہدہ دین بارے غور شروع کر دتا، ممنون حسین دے عہدے دی مدت ستمبر وچ ختم ہو جائے گی، عمران خان ولوں عہدے لئی ناواں بارے غور۔ تفصیل مطابق تحریک انصاف ولوں 25جولائی دے عام انتخابات وچ کامیابی مگروں کئی حکومتی عہدیاں اُتے تقرریاں کیتے جان دا سلسلا جاری اے۔
تحریک انصاف ہن تیکر پنجاب، خیبرپختونخوا تے سندھ دے گورنراں جدکہ خیبرپختونخوا دے وزیر اعلا و قومی اسمبلی دے سپیکر و ڈپٹی سپیکر دے عہدیاں دے ناواں د ااعلان کر چکی اے۔ ہن تحریک انصاف نے صدر مملکت دے ناں بارے وی غور شروع کر دتا اے۔ صدر ممنون حسین دے عہدے دی مدت ستمبر وچ ختم ہو جائے گی۔ تحریک انصاف نے ممنون حسین مگروں کراچی توں ای چُنے جان والے رکن قومی اسمبلی عارف علوی دے ناں بارے غور شروع کر دتا اے۔ ایس حوالے نال سندھ دے نامزد گورنر عمران اسماعیل دی تصدیقی کیتی گئی اے۔ پر اجے ایس حوالے نال کوئی حتمی فیصلا نہیں کیتا گیا۔
