کراچی( پاکستان پوائنٹ نیوز13۔اگست۔2018ء ) پاکستان تحریک انصاف دے رہنما عمران اسماعیل نے گورنر سندھ دا حلف چُکن توں پہلاں ای قانون توڑنا شروع کر دتا اے۔ عمران اسماعیل نے بغیر رجسٹریشن قیمتی گڈی اُتے فینسی نمبر پلیٹ لا لئی، شہر بھر وچ گھمدی گڈی ٹریفک پولیس دیاں اکھاں توں وی دور۔میڈیا رپورٹس مطابق تحریک انصاف دے اپنیاں نے ای نویں پاکستان وچ تبدیلی دے نعرے نوں مدھنا شروع کر دتا اے۔
چیئرمین پی ٹی آئی عمران خان دے قریبی ساتھی و پارٹی رہنما عمران اسماعیل نوں گورنر سندھ نامزد کیتا گیا اے پر عمران اسماعیل نے نامزدگی دے مگروں ای اپنے آپ نوں گورنر سندھ سمجھنا شروع کر دتا۔ نامزد گورنرعمران اسماعیل نے بغیر رجسٹریشن قیمتی گڈی اُتے فینسی نمبر پلیٹ لا لئی، شہر بھر وچ گھمدی گڈی ٹریفک پولیس دیاں اکھاں توں وی دور اے۔ نامزد گورنر سندھ دے قانون توڑن اُتے لوکاں نے اوہناں نوں تنقید دا نشانہ بنایا اے۔
لوکاں دا کہنا اے کہ پی ٹی آئی نے تبدیلی دا نعرہ لایا اے پر ایتھے تے تبدیلی لیان والے ای قانون توڑ رہے نیں۔ چیتے رہوے کہ پی ٹی آئی نے سابق گورنراں دے مستعفی ہون مگروں سندھ، بلوچستان، پنجاب تے خیبرپختونخوا دے گورنراں دے ناں ساہمنے لے آندے نیں۔ گورنر پنجاب لئی چودھری سرور، خیبرپختونخوا لئی شاہ فرمان تے گورنر سندھ لئی عمران اسماعیل دا ناں ساہمنے آیا اے۔
