اسلام آباد( پاکستان پوائنٹ نیوز11۔اگست۔2018ء ) پختونخوا عوامی ملی پارٹی دے سربراہ محمود خان اچکزئی نے آکھیا کہ پاکستان زندہ باد دا نعرہ اودوں لاواں گا جدوں ملک وچ پشتون، سندھی تے سرائیکی زندہ باد ہون گے۔ ایہناں خیالاں دا اظہار اوہناں نے ہفتے دے دیہاڑے اک نجی ٹی وی نال گل بات کردے ہوئے کیتا۔ اوہناں نے آکھیا کہ ایس ویلے پاکستان دی سالمیت ڈاڈھے خطرے وچ اے تے ساریاں پارٹیاں نال اک فیڈریشن بندی اے۔
ایس لئی ہر اک نوں اِکو جہیا حق دتا جائے پر ایتھے کُجھ لوک فیڈریشن دی ساکھ نوں رد ی دے کاغذ وانگ اک پاسے چُک کے سُٹ دیندے نیں جیہدے نال ملک اندر فیڈریشن بالکل چل ای نہیں سکدی اے۔ اوہناں نے اک سوال دے جواب وچ آکھیا کہ میرے پاکستان زندہ باد آکھن نال کُجھ نہیں ہوئے گا جدوں تیکر ملک وچ پشتون، سندھی تے سرائیکی سندھ باد نہیں ہو جاندے ۔
