اسلام آباد( پاکستان پوائنٹ نیوز11۔اگست۔2018ء ) پاکستان تحریک انصاف دا ویٹر رکن اسمبلی کروڑاں رُپئے دی جائیداد دا مالک نکلیا۔گل ظفر نے الیکشن کمیشن آف پاکستان وچ اپنے 3کروڑ رُپئے توں ودھ دے اثاثے ظاہر کیتے نیں۔ تفصیل مطابق باجوڑ توں نویں چُنے گئے رکن قومی اسمبلی گل ظفر نے الیکشن کمیشن آف پاکستان وچ 3کروڑ رُپئے توں ودھ دے اثاثے ظاہر کیتے۔
گل ظفر خان دے کُل اثاثے 3کروڑ 14لکھ80ہزار رُپئے نیں۔ گل ظفر دے اثاثیاں وچ 1کروڑ رُپئے دی غیر منقولہ جائیداد وی شامل اے۔ گل ظفر خان کول 1کروڑ 20لکھ رُپئے مالیت دے 2گھر تے زرعی زمین وی اے۔ دستاویزات مطابق گل ظفر خان دے اثاثیاں وچ اک سال دوران 14لکھ88ہزار رُپئے دا وادھا ہویا۔ گل ظفر دے اثاثیاں وچ 1نان کسٹم پیڈ گڈی، 10تولے سونا وی شامل اے۔ گل ظفر دے بنک اکاؤنٹ وچ 20لکھ رُپئے تے 10لکھ رُپئے مالیت دا گھریلو سامان اے۔
دستاویزات وچ دسیا گیا کہ پاکستان تحریک انصاف دے نویں چُنے گئے رکن قومی اسمبلی گل ظفر خان گارمنٹس دے کاروبار نال جُڑے نیں۔ چیتے رہوے کہ عام انتخابات2018وچ پاکستان تحریک انصاف دے امیدوار گل ظفر نے این اے 41توں کامیابی حاصل کیتی۔ گل ظفر خان جو اک ہوٹل وچ ویٹرآکھیا جاندا اے۔ نے الیکشن دوران شہباب الدین خان ورگے ہیوی ویٹس نوں ہرایا۔گل ظفر نے 2013دے عام انتخابات وچ وی حصہ لیا سی پر کامیاب نہ ہوسکے۔ ویٹر کارکن رکن قومی اسمبلی چُنیا جانا اک مثال سی تے ایہنوں تبدیلی نال جوڑیا جا رہیا سی پر ہن گل ظفر خان دے وی 3کروڑ رُپئے دے اثاثے ساہمنے آ گئے نیں۔
