اسلام آباد( پاکستان پوائنٹ نیوز10۔اگست۔2018ء ) سابق وزیر اعظم نواز شریف،اوہناں دی دھی مریم نواز تے داماد کیپٹن (ر) صفدر دی ایون فیلڈ ریفرنس وچ سزا دی معطلی دیاں درخاستاں اُتے سنوائی کرن والا اسلام آباد ہائی کورٹ دا بنچ بدل گیا۔تفصیل جسٹس عامر فاروق تے جسٹس میاں گل حسن اورنگزیب اُتے مشتمل اسلام آباد ہائی کورٹ دا 2رکنی بنچ شریف خاندان دے بندیاں دیاں اپیلاں اُتے سنوائی کر رہیا سی پر جسٹس عامر فاروق گرمیاں دیاں چھٹیاں اُتے چلے گئے جیہدے مگروں رجسٹرار آفس نے بنچ بنان دا معاملا چیف جسٹس اسلام آباد ہائی کورٹ نوں گھلیا سی۔
درخاستاں اُتے سنوائی لئی جسٹس اطہر من اللہ تے جسٹس میاں گل حسن اورنگزیب اُتے مشتمل بنچ بنا دتا گیا۔ چیتے رہوے کہ نواز شریف، مریم نواز تے کیپٹن (ر) صفدر دی سزا معطلی دیاں درخاستاں اُتے سنوائی کرن والا ایہ تیجا بنچ اے۔
