اسلام آباد( پاکستان پوائنٹ نیوز09۔اگست۔2018ء ) پاکستان تحریک انصاف دے رہنما و ممکنہ طور اُتے آؤندی حکومت دے وزیر خزانہ اسدعمر نے آکھیا اے کہ پاکستان نوں پچھلے تن مہینیاں توں مہینہ وار 2ارب ڈالر کرنٹ اکاؤنٹ کسارے دا ساہمنا اے۔ اسلام آباد توں ویڈیو کانفرنس کردے ہوئے اوہناں نے امریکی تھنک ٹینک نال خطاب وچ آکھیا کہ افغانستان نال سارے جھیڑیاں دے حل مگروں پاکستانی معیشت وچ چنگے نتیجے ساہمنے آن گے پر اوہناں نے ایس تاثر نوں رد کیتا کہ سیاسی حکومت افغانستان بارے فیصلے وچ آپ مختار(خودمختار) نہیں۔
پی ٹی آئی رہنما نے دسیا کہ واشنگٹن نے پی ٹی آئی دے تحفظات دور کرن لئی رضامندی دا وکھالا(اظہار) کیتا اے۔ جیہدے وچ افغانستان اندر مستقل بنیاداں اُتے امن قائم کرنا شامل اے۔ اسد عمر دا کہنا سی کہ 5سال پہلاں جدوں مسلم لیگ (ن) دی حکومت اقتدار وچ آئی سی اودوں کرنٹ اکاؤنٹ کسارا دو ارب ڈالر سالہوار(سالانہ ) سی پر ہن ایہدے وچ 12فیصد وادھا ہویا اے تے کسارا مہینے دیاں بنیاداں اُتے ہو رہیا اے تے ذکر کیتے گئے اشارے مثبت نہیں۔
حکومت لئی ضروری ہوئے گا کہ اوہ معاشی بحران نال نبڑن لئی چھیتی اقدامات کرے۔ اسد عمر دا کہنا سی کہ عمران خان اپنے فیصلے اُتے کم کرن گے۔ اسیں ایہ نہیں آکھاں گے کہ اسیں ایہ کرنا چاہندے آں پر ساڈا کوئی کنٹرول نہیں اے۔ جے عمران خان دا کوئی کنٹرول نہیں ہوئے گا تے اوہ گھر جانا پسند کرن گے۔ایس حوالے نال تحریک انصاف دے رہنما نے منیا کہ پاکستانی فوج مضبوط ترین ادارہ اے جیہنے اپنا گھیرا سول اداریاں تیکر ودھایا ہویا اے۔
اوہناں نے آکھیا کہ حکومت نوں ایس خوبی دا بہترین فائدہ چُکنا چاہیدا۔اوہناں دا کہنا سی کہ امریکی صدر ڈونلڈ ٹرمپ نے اپنی انتخابی مہم دوران افغانستان توں فوجیاں نوں واپس سدن دا وعدہ کیتا پر امریکی ملٹری اسٹیبلشمنٹ نے اوہناں نوں انج نہ کرن اُتے راضی کر لیا۔ اسد عمر نے واضح کیتا کہ دنیا تے خاص طور اُتے امریکا نال تعلقات دا انحصار افغانستان دے معاملات اُتے اے۔ اوہناں دا کہنا سی کہ ایہ پاکستان لئی اہم مسئلا اے جیہنوں چھیتی ویکھن دی ضرورت اے۔
