عمران خان نال ایرانی صدر حسن روحانی دا ٹیلی فونک رابطہ

رابطے دوران تعلقات وچ ہور بہتری لیان، تعاون ودھان تے ہور اہم امور بارے وچار وٹاندرا کیتا گیا

عمران خان نال ایرانی صدر حسن روحانی دا ٹیلی فونک رابطہ
رابطے دوران تعلقات وچ ہور بہتری لیان، تعاون ودھان تے ہور اہم امور بارے وچار وٹاندرا کیتا گیا

اسلام آباد( پاکستان پوائنٹ نیوز08۔اگست۔2018ء ) عمران خان نال ایرانی صدر حسن روحانی نے ٹیلی فونک رابطہ کیتا اے۔ تفصیل مطابق پاکستان وچ ہون والے جولائی دے عام انتخابات وچ تحریک انصاف کامیاب ہوئی اے۔ الیکشن وچ کامیاب ہون مگروں تحریک انصاف دے سربراہ عمران خان نوں عالمی رہنماواں ولوں مبارکباد دین دا سلسلا جاری اے۔ ہن تیکر عمران خان نوں بھارت، چین، سعودی عرب، متحدہ عرب امارات، قطر، برطانیہ تے ہور ملکاں دے سربراہ مبارکباد دے چکے نیں۔

جدکہ ہن تحریک انصاف دے سربراہ عمران خان نال ایرانی صدر حسن روحانی نے وی رابطہ کیتا اے۔ حسن روحانی نے عمران خان نال ٹیلی فونک رابطہ کیتا۔ عمران خان تے حسن روحانی وچکار دوویں ملکاں دے تعلقات وچ ہور بہتری لیان، تعاون ودھان تے ہور اہم امور بارے وچار وٹاندرا کیتا گیا۔ایس موقعے تے ایرانی صدر نے آکھیا کہ اوہ ایران نال تعلقات وچ ہور پکیائی (پختگی)دے خاہشمند نیں جدکہ ایرانی صدر حسن روحانی نے عمران خان نوں ایران دے دورے دی دعوت وی دتی۔ تحریک انصاف دے سربراہ عمران خان نے ایرانی صدر ولوں دتی گئی دورے دی دعوت قبول کر لی۔ عمران خان نے اپنے خیالاں دا اظہار کردے ہوئے آکھیاکہ پاکستان ایران نال تجارتی تعلقات بنانا چاہندا اے۔