عمران خان نے وزیر اعلا خیبرپختونخوا دے ناں دا اعلان کر دتا

عمران خان نے وزیر اعلا خیبرپختونخوا دے ناں دا اعلان کر دتا

اسلام آباد( پاکستان پوائنٹ نیوز08۔اگست۔2018ء ) عمران خان نے وزیر اعلا خیبرپختونخوا دے ناں دا اعلان کر دتا، سابق صوبائی وزیر برائے کھیڈ محمود خان نوں تحریک انصاف دے سربراہ نے خیبرپختونخوا دا وزیر اعلا نامزد کر دتا۔ تفصیل مطابق لمی اُڈیک مگروں تحریک انصاف دے سربراہ عمران خان نے آخیر وزیر اعلا خیبرپختونخوا دے ناں دا اعلان کر دتا اے۔ تحریک انصاف دے سربراہ عمران خان نے سابق صوبائی وزیر کھیڈ محمود خان نوں خیبرپختونخوا دے وزیر اعلا لئی نامزد کیتا اے۔

محمود خان پی کے 9سوات توں الیکشن وچ کامیاب ہوئے سن۔ محمود خان دا ناں سابق وزیر اعلا خیبر پختونخوا پرویز خٹک ولوں تجویز کیتا گیا سی۔ ایس توں پہلاں اطلاع سی کہ عمران خان سابق وزیر تعلیم عاطف خان نوں صوبے دا وزیر اعلا بنان دا فیصلا کر چکے نیں۔ پر ہن میڈیا رپورٹس مطابق تحریک انصاف دے سربراہ عمران خان نے عاطف خان دی تھاں محمود خان نوں خیبرپختونکوا دے وزیر اعلا لئی نامزد کر دتا اے۔