اسلام آباد( پاکستان پوائنٹ نیوز08۔اگست۔2018ء ) سپریم کورٹ نے گلگت بلتستان آرڈر2018بحال کردے ہوئے گلگت بلتستان ہائی کورٹ دا فیصلا معطل کر دتا ۔ عدالت نے گلگت بلتستان دی عدالت دے فیصلے خلاف وفاقی حکومت دی اپیل منظور کردے ہوئے فریقاں نوں نوٹس جاری کر دتے۔ تفصیل مطابق بدھ دے دیہاڑے چیف جسٹس میاں ثاقب نثار دی سربراہی وچ تن رکنی بنچ نے گلگت بلتستان آرڈر 2018بارے گلگت بلتستان ہائی کورٹ دے فیصلے خلاف وفاقی حکومت دی اپیل اُتے سنوائی کیتی۔
سنوائی دوران چیف جسٹس نے ریمارکس وچ آکھیا کہ گلگت بلتستان دے لوکاں نوں وی اوہی حق حاصل نیں جو دوجے شہریاں نوں ۔ حکومت یقینی بنائے کہ گلگت بلتستان دے شہریاں نوں وی بنیادی حق ملن۔ عدالت نے گلگت بلتستان آرڈر 2018بحال کرد ے ہوئے گلگت بلتستان دی عدالت دا فیصل معطل کر دتا۔ سپریم کورٹ وچ بلتستان دی عدالت خلاف وفاقی حکومت نے اپیل جمع کروائی سی جیہنوں عدالت نے منظور کردے ہوئے فریقاں نوں نوٹس جاری کر دتے نیں۔ چیتے رہوے کہ وفاقی حکومت نے گلگت بلتستان لئی پیکج دتا سی جیہنوں گلگت بلتستان دی چیف اپیلنٹ کورٹ نے کالعدم قرار دیندے ہوئے شاہد خاقان عباسی خلاف توہین عدالت دا نوٹس جاری کیتا سی۔
