پی آئی اے دا وڈا کارنامہ،لکھاں ڈالربچا لئے

کراچی( پاکستان پوائنٹ نیوز07۔اگست۔2018ء ) پی آئی اے انجینئرنگ نے ائر بس اے 320جہاز دی مرمت آپ کر کے وڈا کارنامہ انجام دتا اے۔تفصیل مطابق پی آئی اے انجینئرنگ تے مین ٹینٹس ڈیپارٹمنٹ نے وڈا کارنامہ انجام دیندے ہوئے ائر بس ای 320جہاز دی مرمت آپ کیتی اے۔ پی آئی اے ترجمان مطابق مین ٹینٹس وچ جہاز دے نویں پینٹ تے کیبن نوں بدلیا گیا۔ 12 سال بعد پوری چیکنگ دا مرحلا پی آئی اے ڈیپارٹمنٹ نے آپ کیتا۔ ترجمان مطابق ائر بس 320نوں ری فربش کرن نال 10لکھ ڈالر توں ودھ دی بچت ہوئی۔ پی آئی اے انجینئرنگ ڈیپارٹمنٹ پاکستان توں وکھ ریجن وچ وی خدمتاں انجام دے رہیا اے۔