لاہور( پاکستان پوائنٹ نیوز07۔اگست۔2018ء ) لاہور ہائیکورٹ نے رانا ثنااللہ دے حق وچ فیصلا سنا دتا۔این اے 106فیصل آباد توں مسلم لیگ (ن) دے رانا ثنااللہ کامیاب قرار دتے گئے سن۔ لاہور ہائی کورٹ نے ووٹاں دی دوبارہ گنتی دی درخاست الیکشن کمیشن نوں گھل دتی۔ تفصیل مطابق الیکشن وچ فیصل آباد دے حلقہ این اے 106توں مسلم لیگ (ن) دے رانا ثنااللہ نے تحریک انصاف دے نثار جٹ نوں ہرایا سی۔
مسلم لیگ (ن) دے رہنما و سابق وزیر قانو ن پنجاب رانا ثنااللہ 1لکھ6ہزار 319ووٹ لے کے جتے ۔ مسلم لیگ (ن) دے رانا ثنااللہ تے تحریک انصاف دے رہنما نثار جٹ وچکار ووٹاں دا مارجن بہت گھٹ رہیا۔ ایس حلقے دے نتیجے مگروں تحریک انصاف دے رہنما نثار جٹ نے ووٹاں دی دوبارہ گنتی دی درخاست دتی سی۔ تحریک انصاف دے رہنما دی درخاست اُتے این اے 106وچ ووٹاں دی گنتی پوری ہوگئی۔ووٹاں دی دوبارہ گنتی مگروں وی مسلم لیگ (ن) دے رانا ثنااللہ دی کامیاب قرار دتے گئے۔
