عمران خان دا سرکاری پروٹوکول اُتے خفگی دا اظہار

حکومت نے عمران خان نوں پورے وزیر اعظم دا پروٹوکول دتا، اسیں پولیس دیاں صرف4 گڈیاں دی درخاست کیتی سی:نعیم الحق

عمران خان دا سرکاری پروٹوکول اُتے خفگی دا اظہار
 حکومت نے عمران خان نوں پورے وزیر اعظم دا پروٹوکول دتا، اسیں پولیس دیاں صرف4 گڈیاں دی درخاست کیتی سی:نعیم الحق

اسلام آباد( پاکستان پوائنٹ نیوز06۔اگست۔2018ء ) پاکستان تحریک انصاف دے چیئرمین عمران خان نے سرکاری پروٹوکول اُتے خفگی (ناراضگی) دا اظہار کردے ہوئے ٹریفک نہ روکن دی ہدایت کیتی اے۔ نجی ٹی وی مطابق بنی گالا توں نجی ہوٹل آمد دے موقعے تے سکیورٹی حکام ولوں وزیر اعظم دا پروٹوکول ملن اُتے عمران خان نے پی ٹی آئی رہنما نعیم الحق نوں سد کے خفگی دا اظہار کیتا تے آکھیا کہ سکیورٹی حکام نے بغیر اجازت روٹ کیوں لوایا، میں پروٹوکول لینا چاہنا واں تے نہ ای روٹ لگوانا چاہنا واں۔

ایس حوالے نال پی ٹی آئی دے رہنما نعیم الحق نے آکھیا کہ حکومت نے عمران خان نوں پورے وزیر اعظم دا پروٹوکول دتا جدکہ اسیں پولیس دیاں صرف چار گڈیاں دی درخاست کیتی سی۔ اوہناں نے دسیا کہ پروٹوکول وچ مختلف ایجنسیاں دیاں گڈیاں، پولیس تے رینجرز شامل سن پر عمران خان چاہندے نیں لوکائی نوں گھٹ تکلیف ہوئے۔ اوہناں نے آکھیاکہ عمران خان وزیر اعظم دے پروٹوکول خلاف نیں تے اوہ پروٹوکول دی وجہ توں لوکاں دے پریشان ہون اُتے بے چین رہے۔