لاہور( پاکستان پوائنٹ نیوز06۔اگست۔2018ء ) ایچ ای سی نے 10سال بعد ڈگری ویری فکیشن پالیسی وچ وڈی تبدیلی کر دتی،امیدواراں نوں ڈگری نال میٹرک، ایف اے تے ہور سنداں جمع نہیں کروانیاں پین گیاں۔ تفصیل مطابق ایچ ای سی نے 10سال بعد ڈگری ویری فکیشن پالیسی وچ وڈی تبدیلی کر دتی۔ایچ ای سی مطابق امیدواراں نوں ڈگری نال میٹرک، ایف اے تے ہور سنداں جمع نہیں کروانیاں پین گیاں۔
نوٹی فکیشن مطابق ہن امیدوار صرف اوہی ڈگری جمع کروان گے جیہدی تصدیق کروانی ہوئے گی۔ ہائر ایجوکیشن کمیشن ویکھے گا کہ کیہ ڈگری منظور شدہ ادارے ولوں جاری کیتی گئی اے تے کیہ اوس ادارے نوں ڈگری جاری کرن دا قانونی حق سی۔ ایچ ای سی نے 10سال پہلے سیاستداناں دے جعلی ڈگری سکینڈل مگروں ڈگری نال میٹرک، ایف اے تے ہورسنداں دی شرط لائی سی جیہدی وجہ توں لکھاں ڈگریاں دی تصدیق نہیں ہو سکی سی۔
