راولپنڈی( پاکستان پوائنٹ نیوز04۔اگست۔2018ء ) چیف آف آرمی سٹاف جنرل قمر جاوید باجوہ نے شہداء پولیس نوں خراج عقیدت پیش کردے ہوئے آکھیا اے کہ شہداء اصل ہیرو نیں، اوہناں نوں سلام پیش کردے آں، پولیس نے دہشت گردی دے خاتمے لئی کئی قربانیاں دتیاں، قومی کوششاں وچ پولیس دے موڈھے نال موڈھا جوڑ کے کھلوتے آں۔ پاک فوج دے شعبہ تعلقات عامہ(آئی ایس پی آر ) مطابق آرمی چیف جنرل قمر جاوید باجوہ نے پولیس دے ’یوم شہداء‘ دے موقعے اُتے ملک و قوم لئی قربان ہون والے شہید پولیس اہلکاراں نوں خراج عقیدت پیش کیتا اے۔
آرمی چیف جنرل قمر جاوید باجوہ نے آکھیاکہ شہید ای اصل ہیرو نیں۔ اسیں اوہناں نوں سلام پیش کرنے آں۔ اوہناں نے آکھیا کہ پولیس نے دہشت گردی دے خاتمے لئی کئی قربانیاں دتیاں۔ دہشت گردی خلاف جنگ وچ پولیس نے بھرپور کردار ادا کیتا۔ آرمی چیف نے آکھیا کہ قومی کوششاں وچ پولیس دے موڈھے نال موڈھا جوڑ کے کھلوتے آں۔ چیتے رہوے کہ ملک بھر وانگ پنجاب بھر وچ وی اج ’یوم شہدائے پولیس‘ منایا گیا۔ ایس موقعے تے آئی جی پنجاب سید کلیم امام دی ہدایت اُتے صوبے بھر دے آر پی اوز تے ڈی پی اوز ولوں اپنے اپنے ضلعیاں وچ تقریباں دا آہر کیتا گیا۔جیہناں وچ شہیداں دے وارثاں نوں سدیا گیا۔
