اسلام آباد( پاکستان پوائنٹ نیوز04۔اگست۔2018ء ) پاکستان تحریک انصاف دے رہنما فیصل واڈا نے آکھیا اے کہ حکومت بنان مگروں پی ٹی آئی بہترین نتیجے دین لئی نظام وچ وڈی پدھر اُتے تبدیلیاں لیائے گی۔ نجی ٹی وی چینل نال گل بات کردے ہوئے اوہناں نے آکھیا کہ کرپشن خلاف عدم برداشت دی پالیسی اپنائی جائے گی۔ اک سوال دے جواب وچ اوہناں نے آکھیا کہ مسلم لیگ (ن) دے رہنماواں خلاف پچھلی حکومت وچ کرپشن دے سکینڈل رپورٹ کیتے گئے سن۔
اوہناں نے آکھیاکہ پی ٹی آئی ملک وچ ترقی، سیاسی و معاشی استحکام تے تبدیلی لیائے گی۔ الیکشن 2018بارے تبصرہ کردے ہوئے اوہناں نے آکھیا کہ عام انتخابات2018 آزادانہ، منصفانہ تے پرامن انداز وچ منعقد ہوئے۔ ایسے پروگرام وچ گل بات کرد ے ہوئے پاکستان پیپلز پارٹی دے رہنما محمد لطیف کھوسہ نے آکھیا کہ اوہناں دی جماعت ملک اندر جمہوریت نوں چلدا ویکھناچاہندی اے۔
