ٹریفک وارڈن گلاب سنگھ نوں نوکریوں برطرف کر دتا گیا

ٹریفک وارڈن گلاب سنگھ نوں نوکریوں برطرف کر دتا گیا

لاہور( پاکستان پوائنٹ نیوز03۔اگست۔2018ء ) لاہور ٹریفک پولیس وچ تعینات واحد سکھ ٹریفک وارڈن گلاب سنگھ نوں نوکریوں برطرف کر دتا گیا اے۔ سابق ٹریفک وارڈن گلاب سنگھ دی ملازمت توں برطرفی دا حکم ایس پی سٹی آصف صدیق نے جاری کیتا۔ گلاب سنگھ اُتے الزام اے کہ اوہناں نے بغیر کسے منظوری دے سوشل میڈیا اُتے انٹرویو دیندے ہوئے ٹریفک وارڈن دے یونیفارم بارے انج دیاں گلاں کیتیاں کہ اوہناں توں ٹریفک وارڈن دے یونیفارم تے ٹریفک پولیس دی بدنامی ہوئی اے۔

گلاب سنگھ اُتے ایہ وی الزام اے کہ اوہناں نے بھرتی ویلے جمع کروائے گئے کاغذات وچ بدلی تے ٹمپرنگ کیتی۔ اوہناں دا جنم دن شناختی کارڈ اُتے کُجھ ہور جدکہ میٹرک دی سند اُتے ہور اے۔ ایس حوالے نال ایہ وی آکھیا گیا کہ ایس پی سٹی نے انکوائری لئی سابق ٹریفک وارڈن گلاب سنگھ نوں کئی وار سدیا پر اوہناں نے ہر وار نوٹس طلبی نوں خاطر وچ نہیں لیاندا۔ تے اوہ بغیر کسے پیشگی اطلاع یاں منظوری دے 16دن ڈیوٹی توں غائب رہے۔