اسلام آباد( پاکستان پوائنٹ نیوز02۔اگست۔2018ء ) بھارت نے اک وار فیر پاکستان اُتے حملا کیتا اے۔ بھارتی فوج ولوں لائن آف کنٹرول دے مندل سیکٹر اُتے انھے واہ فائرنگ کیتی گئی،فائرنگ دے نتیجے وچ 33ورھیاں دی سوانی شہید، کئی بندے زخمی۔ تفصیل مطابق دہشت گرد سوچ رکھن والا بھارت اپنیاں حرکتاں توں باز نہ آیا۔ بھارتی فوج ولوں اک وار پاکستانی سرحدی علاقے اُتے حملا کیتا گیا اے۔
جمعرات دے دیہاڑے بھارتی فوج ولوں مندل سیکٹر دی شہری آبادی اُتے انھے واہ فائرنگ کیتی گئی۔ فائرنگ دے نتیجے وچ اک 33 ورھیاں دی سنوائی شہید جدکہ کئی بندے زخمی وی ہوئے۔ واقعے مگروں پاکستانی دفتر خارجا نے بھارتی ہائی کمشنر نوں سد کے احتجاج ریکارڈ کروایا اے۔ پاکستانی دفتر خارجا دا کہنا ا ے کہ چالو ورھے بھارت ولوں لائن آف کنٹرول اُتے موجود شہری علاقیاں وچ کیتے گئے دہشت گرد حملیاں دے نتیجے وچ ہن تیکر 30بندے شہید جدکہ کئی زخمی ہوئے نیں۔
