اسلام آباد( پاکستان پوائنٹ نیوز02۔اگست۔2018ء ) نواز شریف نوں ایس نہج اُتے پہنچان دا ذمے وار طلال چودھری ٹولا اے۔تفصیل مطابق عوامی مسلم لیگ دے سربراہ شیخ رشید نے طلال چودھری دی سزا اُتے ردعمل دیندے ہوئے آکھیا اے کہ ڈی گریڈ لوکاں لئی کمپنی دی مشہوری ضروری ہوندی اے، نواز شریف نوں ایس نہج اُتے پہنچان دا ذمے وار ایہو ٹولا اے۔ نجی ٹی وی نال گل بات کردے ہوئے اوہناں دا کہنا سی کہ ایہ اوہو بداخلاق ٹولا اے جیہدی سوچ نواز شریف دی اے۔
طلال چودھری الیکشن ہار گئے۔ ہن نااہلی نال فرق نہیں پیندا، ایہ صرف میڈیا وچ ان رہن لئی سبھ کُجھ کردے نیں۔ چیتے رہوے کہ سپریم کورٹ نے (ن) لیگی رہنما طلال چودھری نوں توہین عدالت کیس وچ نااہل قرار دتا۔ لیگی رہنما نوں عدالت برخاست ہون تیکر قید تے اک لکھ رُپئے جرمانے دی سزا وی سُنائی گئی۔ طلال چودھری توہین عدالت کیس دا فیصلا 11جولائی نوں محفوظ کیتا گیا سی۔
