ووٹاں دی دوبارہ گنتی: عابدشیر علی دے 701ووٹ گھٹ گئے

فیصل آباد( پاکستان پوائنٹ نیوز02۔اگست۔2018ء ) فیصل آباد دے حلقہ این اے 108وچ تحریک انصاف دے رہنما فرخ حبیب دی جت برقرار اے، دوبارہ گنتی مگروں فرخ حبیب دے ہور ووٹ ودھ گئے، عابد شیر علی دے ہور 701ووٹ گھٹے۔ میڈیا رپورٹس مطابق فیصل آباد دے انتخابی حلقہ این اے 108وچ مسلم لیگ (ن) دے امیدوار عابد شیر علی نے الیکشن2018وچ ہار اُتے دوبارہ گنتی دی درخاست دتی سی۔ ووٹاں دی دوبارہ گنتی دوران تحریک انصاف دے امیدوار فرخ حبیب دی کامیابی برقرار رہی۔ فرخ حبیب نوں اک لکھ12ہزار28ووٹ جدکہ اوہناں دے مقابلے وچ عابد شری علی نوں صرف 1لکھ 10ہزار 826ووٹ پئے۔ پر عابد شیر علی ولوں دتی گئی درخاست اُتے دوبارہ گنتی دوران اوہناں دے 701ووٹ گھٹ گئے۔